Quick Overview

Vrug van die Gees – Linda van Heerden

Sagteband, 104 bladsye

Hoe is hierdie boekie gebore?

Ek is God se geliefde, ‘n Koningskind geseën met ‘n passie vir woorde en hulle betekenis, ‘n ware boekwurm. Ek het jare gelede by ‘n werkswinkel oor engele twee ‘geskenke’ gekry: ‘n leë boek & ‘n pen. Daardie geskenke het onbenut gebly, maar was tog altyd in my onderbewuste.

My reis met die boek het begin omdat ek deur die Bybel, en deur Jesus se woorde en dade, al hoe meer bewus geword van hoe God eintlik wil hê dat ons as Sy kinders moet lewe. Ek het ook deur Galasiërs 5 diep bewus geword van die voortdurende stryd, die ‘geveg’, tussen die ‘ou mens’ en ons optredes volgens ons sondige natuur, en die ‘nuwe mens’ wat, nadat jy jou lewe aan God oorgegee het, die vrug van die Gees dra en behoort te dra. 

Ek het besef hoe ver en hoe gereeld ons mensekinders hierdie geveg verloor. Dit het gevoel asof God vir my sê: “My kind, Ek kyk na My kinders, na mense soos jy wat sê dat hulle in My glo, maar Ek sien maar min van die vrug van die Gees in hulle lewens... waar is die liefde, waar is hul vreugde, waar is hul geduld….?”

Ek het weer in Johannes 15 gelees oor die Wingerdstok en die lote. Net soos wat ‘n loot aan ‘n wingerdstok gekoppel moet wees voordat dit vrugte sal kan kan dra, moet ons as die ‘lote’ aan Jesus, die Ware Wingerdstok, gekoppel wees voordat ons vrug sal kan dra. In Johannes 15:16 maak Jesus dit ook baie duidelik dat Hy ons uitgekies en aangestel het om vrugte te dra, vrugte wat sal hou. Ek het begin wonder: 

• Is hierdie “vrugte wat sal hou” dieselfde as die vrug van die Gees in Galasiërs 5:22 & 23? 
• Wat beteken elkeen van die nege woorde wat die waarneembare eienskappe van die ‘nuwe mens’ beskryf dan werklik? 
• Hoekom het Paulus juis hierdie nege eienskappe gekies en wat vra hierdie nege eienskappe van ons as God se kinders? 

Getrou aan my aard het ek ‘n boek daaroor begin soek, maar kon net Engelse boeke daaroor vind. Géén Afrikaanse boek nie. En God druk op my hart: “Nou maar gebruik dan nou daardie onbenutte leë boek en die pen, My kind, en skryf só ‘n boek in Afrikaans.”

Die boek “Vrug van die Gees” is my geestelike reisjoernaal op soek na die betekenis van elkeen van die woorde wat die negevoudige vrug van die Gees beskryf. Ek ondersoek eerstens die mens se vermoë om vrug te dra aan die hand van die analogie van die wingerdstok. Vervolgens ondersoek ek elkeen van die nege eienskappe afsonderlik uit die hoek van die Woord, stories en gebeurtenisse, ander skrywers se toepaslike woorde, en grepies uit preke wat my diep geraak het. Elke hoofstuk sluit af met

• ‘n tabel met elke letter van elke eienskap, gekoppel aan woorde (iets soos sinonieme) wat met elke letter begin, en wat vir my iets meer van daardie eienskap vertel; en
• enkele kopkrap-nadenke wat jou na die binnekamer van jou hart toe vat en jou sal help besin oor waar jou lewens tans staan ten opsigte van elk van die nege eienskappe.

Dit is my gebed dat die boek sal help om die woorde van Gal 5:25 “Ons lewe deur die Gees, laat die Gees ook nou ons gedrag bepaal” van ons almal waar te maak. Kom ons gaan saai God se lig en liefde kwistig deur die Vrug van die Gees tot eer van Sy Naam!!

Quick Overview

• Animation character to be printed on the t-shirt
• Save the Sheep is printed on the back of t-shirt.
• Choose your colour and size from dropdown menu
• T-shirt  orders delivered after 3-4 weeks

During checkout, please let us know which Courier Guy Pudo Locker is closest to you, in the comments box.

Quick Overview

NO Aqueous.  Ingredients of Karoo Lips: coconut oil, shea butter, beeswax, lipstick, lemon oil (10ml)

Quick Overview

Laat die skrywer toe om jou weg te voer in hierdie boek wat jy nie gaan kan neersit nie!

Boesmanland, vat my hand. So sing ons hom. So dans ons hom en so luister ons na hom. Daar is, vir ons Boesmanlanders, net een land — en dit is die Boesmanland.

Hannelie van Niekerk, ‘n Boesmanlander in murg-en-been, bly op Brandvlei en wil graag met haar boek stories weergee oor die Boesmanland humor — humor vanweë droogtes en swaarkry. Sy wil graag hê dat mense hierdie boek moet lees om dit te geniet en om sodoende meer van die Boesmanland te weet.

Sy begin haar boek met ‘n gebed, soos wat ons in die wêreld alles met ‘n gebed begin, of open. “As jy nie in die ou wêreld van ons geloof het nie, kan jy maar jou goedjies pak en loop.”

Formaat: Sagteband
 Bladsye: 114